Notifiki

Il-qgħad jerġa’ jonqos u din id-darba jinżel fl-istess livell ta’ qabel il-pandemija

Il-qgħad f’pajjiżna reġa’ naqas f’April meta mqabbel max-xahar ta’ qabel u b’mod qawwi meta mqabbel mal-istess xahar tas-sena l-oħra.

Skont statistika uffiċjali maħruġa mill-uffiċċju nazzjonali tal-istatistika f’April li għadda kien hawn 2,248 persuna jirreġistraw għax-xogħol.

Dan fisser 139 persuna inqas minn Marzu li għadda u saħansitra 1,731 persuna inqas minn April tas-sena l-oħra meta kienet għadha kif faqqgħet il-pandemija f’pajjiżna.

Il-qgħad ilu jonqos minn Ġunju tas-sena l-oħra, wara li kienet laqtitna l-imxija u issa jinsab kważi fl-istess livell ta’ qabel faqqgħet il-pandemija.

Dan ifisser li għall-ħdax-il xahar konsekuttiv naqas il-qgħad.

Filwaqt li f’Mejju l-ammont ta’ nies jirreġistraw kien ta’ 4,409, sar-raba’ xahar ta’ din is-sena n-numru ta’ dawk ifittxu xogħol naqas bin-nofs.

Fuq twitter il-Prim Ministru Robert Abela nnota t-tnaqqis qawwi fil-qgħad f’pajjiżna.

Qal li l-qgħad f’April ma kienx biss inqas minn April tas-sena l-oħra iżda wkoll inqas minn terz inqas minn dawk jirreġistraw għax-xogħol f’Marzu tal-2013.

Qal li l-politika tal-Gvern qed tagħmel differenza vera f’ħajjet in-nies.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend