Notifiki

F’sena jirdoppja n-numru ta’ kuntratti tax-xiri tal-proprjetà

Matul ix-xahar li għadda, in-numru ta’ kuntratti ta’ xiri ta’ proprjetà residenzjali ffirmati kien ta’ 1,130.

Dan ifisser żieda ta’ 540 kuntratt fuq l-istess xahar tas-sena l-oħra.

Matul April li għadda ġew iffirmati wkoll 1,430 konvenju, 1,161 iżjed minn April tas-sena l-oħra.

Il-valur tal-proprjetà mibjugħa jlaħħaq il-€228.4 miljun.

Dan ifisser żieda qawwija fil-valur tal-proprjetà inkwistjoni hekk kif is-somma t’April ta’ din is-sena hija 91.6% iżjed mill-istess xahar tas-sena l-oħra.

Quddiem dawn iċ-ċifri inkoraġġanti waqt pandemija, fuq twitter il-Prim Ministru Robert Abela nnota li l-kuntratti tax-xiri żdiedu bid-doppju u l-konvenji żdiedu b’ħames darbiet aktar.

Qal li l-appoġġ li ta l-Gvern ippermetta li l-familji u n-negozji jkunu f’pożizzjoni li jibnu prosperità ġdida.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend