Notifiki

Sentenza sospiża wara li weġġa’ lil oħtu

Raġel ta’ 33 sena ntbagħat sena ħabs sospiżi għal erba’ snin wara li nstab ħati li kkaġuna feriti gravi fuq oħtu, f’darha stess.

Ir-raġel, li huwa mis-Siġġiewi allega li kienet oħtu li ħebbet għalih iżda fil-Qorti ma ressaq l-ebda evidenza sabiex isostni dawn l-allegazzjonijiet.

Il-Qorti qalet li hija tal-fehma li l-verżjoni tal-imputat mhijiex veritiera.

Mir-rapport li għamlet il-vittma dak in-nhar tal-każ jirriżulta li hi talbet għall-assistenza tal-Pulizija li immedjatament marru fir-residenza tagħha.

Il-Qorti preseduta mill-Maġistrat Monica Vella ordnat sabiex tiġi pprovdutat sigurtà lill-vittma u rabtet lill-imputat b’garanzija ta’ €2,329 għal żmien 12-il xahar, kif ukoll ikkundannat lill-imputat sabiex iħallas l-ispejjeż ta’ tabib.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend