Notifiki

Mhux veru li niċċa tal-Madonna se titneħħa fil-Għargħur – l-Awtorità tal-Ippjanar tiċċara

L-Awtorità tal-Ippjanar iċċarat li mhuwiex minnu li niċċa tal-Madonna u minjatura ta’ Knisja se jitneħħew jew tneħħew f’ordni ta’ infurzar fil-Għargħur.

Fi stqarrija, l-Awtorità tal-Ippjanar irreaġixxiet għall-miż-informazzjoni li kienet qed tiċċirkola fuq il-midja soċjali.

L-Awtorità tal-Ippjanar qalet li l-ordni ta’ infurzar kienet fuq strutturi oħra ġodda tal-konkrit, li telgħu m’ilux fl-inħawi ta’ ‘Top of the World’.

L-Awtorità tal-Ippjanar qalet li hi qatt ma talbet lil xi ħadd ineħħi n-niċċa tal-Madonna u l-minjatura ta’ Knisja, li jinsabu erba’ mitt metru ’l bogħod mill-istrutturi tal-konkrit li telgħu illegalment fuq art barra miż-żona tal-iżvilupp u fuq ix-xagħri.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend