Notifiki

Żieda t’aktar minn 21% fl-użu ta’ vetturi elettriċi f’pajjiżna

Sa tmiem Marzu li għadda kien hawn kważi 7,000 vettura elettrika u hybrid f’pajjiżna.

Skont statistika uffiċjali maħruġa mill-Uffiċċju Nazzjonali tal-Istatistika, meta mqabbel bejn l-ewwel kwart tas-sena u r-raba’ kwart tas-sena l-oħra, kien hemm żieda ta’ iżjed minn 21% fil-vetturi elettriċi.

Kien hemm ukoll kważi ħmistax fil-mija iżjed ta’ vetturi hybrid jiġifieri jaħdmu bl-elettriku u d-diesel u ftit aktar minn 12% iżjed fin-numru ta’ vetturi tat-tip hybrid li jaħdmu bl-elettriku u l-petrol.

Fl-ewwel tliet xhur tas-sena, l-NSO nnota wkoll li l-vetturi reġistrati żdiedu b’1,876.

Dan meta mqabbel mal-aħħar kwart tas-sena l-oħra.

B’kollox f’Malta hawn iżjed minn 400,000 vettura li għaliha jitħallsu l-liċenzji.

Aktar minn tliet kwarti tal-vetturi huma karozzi tal-passiġġieri.

Kważi erbatax fil-mija tal-vetturi huma kummerċjali u 8.5% huma muturi fost oħrajn.

Bejn Jannar u Marzu li għadda, aktar minn minn 7,500 vettura tneħħew mit-toroq minħabba xi restrizzjoni.

30% ta’ dawn il-vetturi ġew skrepjati, aktar minn 33% minnhom ġew iggaraxxjati u 35% minnhom reġgħu ġew mibjugħa.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend