Notifiki

Fl-Iżrael jitneħħa l-obbligu li tilbes il-maskra barra

Fl-Iżrael tneħħa l-ilbies mandatorju tal-maskri barra wara li l-programm tat-tilqim f’dan il-pajjiż għaddej b’ritmu mgħaġġel ukoll.

Fil-fatt qed ikun irrapportat li s’issa fl-Iżrael tlaqqmet 56% tal-popolazzjoni u b’hekk il-pajjiż jinsab viċin li l-popolazzjoni tiegħu tilħaq l-immunità għall-virus.

Minkejja dan xorta għadu obbligatorju li tilbes maskra ġewwa bħall-ħwienet u fis-Sinagogi.

Il-Ministru għas-Saħħa Iżraeljan, Yuli Edelstein, qed iħeġġeġ lill-poplu Iżraeljan biex jibqa’ jżomm ċertu miżuri.

F’Tel Aviv u f’Ġerusalemm dehru bosta nies mexjin mingħajr maskra.

F’dan il-pajjiż qed ikun permess li nies li huma ġa mlaqqmin kontra l-Covid-19 imorru jieklu fir-ristoranti, imorru vaganza f’xi lukanda u jattendu għal attivitajiet reliġjużi u kulturali.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend