Notifiki

Żagħżugħ li nqabad b’aktar minn 200 pakkett droga jgħid li din kienet kollha għalih

Żagħżugħ ta’ 22 sena li ġie arrestat wara li nqabad b’224 pakkett droga sintetika, qal fil-Qorti li d-droga kienet għall-użu personali u esklussiv tiegħu.

It-Tlieta, Nathan Hili ċaħad l-akkużi miġjuba kontrih u baqa’ jinżamm arrestat.

Fil-Qorti nstema’ wkoll kif il-mod kif instabet id-droga sintetika turi li din ma kinitx għalih biss, u kien hemm biżżejjed għal madwar mitejn persuna.

Intqal ukoll li Hili kien diġà ġie arrestat bosta drabi oħra u dejjem inħeles mill-arrest minħabba li d-droga li kien inqabad biha ma kinitx skedata fil-liġi.

Il-Prosekuzzjoni oġġezzjonat għall-ħelsien mill-arrest abbażi tal-fatt li Hili inqabad bi tliet mobiles, u kien osservat kemm-il darba juża karozza tal-kiri, anke jekk ma kellux dħul finanzjarju.

Il-Qorti ċaħdet it-talba għall-ħelsien mill-arrsest.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend