60 sena mill-Interdett fuq il-Partit Laburista

Kien it-8 ta’ April tal-1961, propju bħal-lum sittin sena meta l-Arċisqof ta’ dak iż-żmien Mons. Mikiel Gonzi ħareġ ordni ta’ interdett fuq il-Mexxej Laburista Dom Mintoff u l-eżekuttiv kollu tal-Partit Laburista.

Dan fisser li kull min kien jassoċċja ruħu mal-Partit Laburista jew isegwi dak li kien jagħmel il-Partit Laburista kien ikun meqjus li qed jagħmel dnub mejjet.

Dan fisser li dawk li kienu jħaddnu l-prinċipju Laburista spiċċaw iżżewġu fis-sagristija u dawk li mietu f’dan iż-żmien kienu spiċċaw fil-miżbla, il-parti mhux konsagrata taċ-ċimiterju.

Id-dnub il-mejjet kien impost ftit wara li Malta ngħatat konstituzzjoni ġdida mill-Ingliżi, l-aħħar waħda qabel l-Indipendenza. Dan fisser li fl-elezzjoni ta’ sena wara, dawk li kienu se jivvutaw lill-Partit Laburista kienu se jagħmlu dnub mejjet.

Fl-elezzjoni ta’ Frar tal-1962, 51,000 persuna vvutaw lill-Partit Laburista minkejja d-dnub il-mejjet impost mill-Knisja.

Dawn baqgħu magħrufa bħala s-suldati tal-azzar.

Din il-kwistjoni politika-reliġjuża baqgħet għaddejja sal-1969, meta kien hemm medjazzjoni mis-Santa Sede.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend