Notifiki

Delia juża l-ONE NEWS biex jibbottja lil Azzopardi fuq it-taxxa

L-eks Kap tal-Partit Nazzjonalista, Adrian Delia, uża lil ONE News biex jibbottja lid-deputat Nazzjonalista Jason Azzopardi.

Kien ftit ħin wara li ONE News żvela li d-deputat Jason Azzopardi huwa ieħor li għandu vizzju li ma jiddikjarax it-taxxa li Adrian Delia kiteb fuq il-paġna ta’ facebook.

Delia ried juri biċ-ċar li kemm ilu deputat ġab ruħu differenti minn Azzopardi.

“Tiegħi kollox niddikjara,” kiteb Adrian Delia wara li kien żvelat kif fil-każ ta’ Jason Azzopardi dan ma jgħoddx.

“Se nagħti l-kunsens tiegħi lill-Ispeaker għat-talba li għamiltu,” kiteb Delia fuq il-paġna tiegħu.

L-imkejjen fid-Dar Ċentrali ma damux ma interpretaw il-messaġġ ta’ Adrian Delia bħala battuta ċara lejn dak li ilu snin mqabbad miegħu.

Fil-fatt mhux darba u tnejn li Jason Azzopardi attakka lil Delia pubblikament.

Adrian Delia kiteb biss wara li ONE News espona l-aġir ta’ Jason Azzopardi.

Fil-fatt ONE News talab lill-Ispeaker jagħtina t-tax returns ta’ Jason Azzopardi iżda mir-risposta tal-Ispeaker irriżulta b’mod ċar li Jason Azzopardi mhux dejjem bagħat dawn ir-returns lill-Kummissarju tat-Taxxi Interni biex hekk, Jason Azzopardi ma kienx qed jonora l-obbligi legali tiegħu, minkejja li jitkellem tant fuq governanza tajba.

Anke jekk illum Adrian Delia jgħid li kemm ilu fil-politika dejjem iddikjara d-dħul tiegħu qabel sar Kap tal-Partit Nazzjonalista kellu kwistjonijiet kbar marbuta ma’ taxxa.

Id-destin ried li l-Kap ta’ warajh, Bernard Grech ukoll kien fl-istess sitwazzjoni.

Filwaqt li Delia kkummenta bil-battuti tiegħu, sa issa Bernard Grech żamm fommu mitbuq.

L-istess bħalma għamel Jason Azzopardi.

NIŻVELAW: Jason Azzopardi ieħor li ma jiddikjarax it-taxxa

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend