Il-Koħħu se jixhed kontra l-aħwa Degiorgio – id-difiża tal-aħwa toġġezzjona

Vince Muscat, magħruf bħala l-Koħħu se jkun qed jixhed kontra l-aħwa George u Alfred Degiorgio, dwar l-allegat involviment tagħhom fil-qtil ta’ Daphne Caruana Galizia.

Dan sar magħruf permezz ta’ deċizjoni tal-Maġistrat Claire Stafrace Zammit, hekk kif id-Difiża tal-aħwa Degiorgio oġġezzjonat li dan isir.

Dan hekk kif l-Avukat difensur William Cuschieri argumenta li jekk isir dan, se jkun hemm preġidizzju kontra l-akkużati.

Dan jista’ jsir wara li l-ġimgħa l-oħra, il-Koħħu wieġeb ħati għall-akkużi kontrih u ntbagħat ħmistax-il sena ħabs.

Waqt il-kumpilazzjoni kontra l-aħwa George u Alfred Degiorgio, il-Prosekuzzjoni mmexxija mis-Supretendent Keith Arnaud kienet se tippreżenta tmien recordings ta’ iżjed minn tliet sigħat, bid-Difiża titlob li dawn ikunu miktuba ħalli tkun iżjed faċli għad-Difiża.

Il-Maġistrat talbet biex dawn ir-recordings jiġu ppreżentati fis-seduta li jmiss, ħalli jinstemgħu fil-Qorti.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend