Notifiki

Tliet anzjani jittieħdu l-isptar wara li kienu involuti f’ħabta bejn tliet karozzi f’Ħal Tarxien

Ingliż ta’ 69 sena ġarrab ġrieħi gravi, filwaqt li anzjana ta’ 72 sena ndarbet ħafif wara li kienu involuti f’inċident tat-traffiku li seħħ għall-ħabta ta’ 12:00pm fi Triq San Anard, Ħal Tarxien.

Dan wara li seħħet ħabta bejn tliet vetturi: BMW li kienet qed tinstaq minn raġel ta’ 67 sena, Toyota Ractis li kienet qed tinstaq minn anzjan ta’ 78 sena, miegħu kien hemm l-anzjana ta’ 73 sena; u Skoda li kienet misjuqa minn Ingliż ta’ 69 sena, miegħu kienn hemm Ingliża ta’ 73 sena.

Fuq il-post issejjaħ tim mediku li ta l-ewwel għajnuna u diversi ambulanzi li ħadu liż-żewġ Ingliżi u l-mara ta’ 72 sena, l-isptar Mater Dei għal aktar kura.

Il-kundizzjoni tal-Ingliża għadha mhix magħrufa.

L-investigazzjonijiet tal-Pulizija dwar dan l-inċident qed jitmexxew mill-Pulizija tad-Distrett.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend