Notifiki

Arrestati tlett irġiel suspettati li ssupplixxew il-bomba li qatlet lil DCG

Rapporti qed jgħidu li ġew arrestati tlett irġiel suspettati li ssupplixxew il-bomba li qatlet lil Daphne Caruana Galizia.

Skont it-Times dawn huma l-aħwa Adrian u Robert Agius, magħrufa bħala tal-Maksar, u Jamie Vella.

Huma ġew arrestati mill-pulizija waqt operazzjoni li saret illum.

Dan l-iżvilupp isegwi ieħor fil-Qorti fejn Vince Muscat magħruf bħala l-Koħħu ammetta l-akkużi miġjuba kontrih b’rabta mal-qtil ta’ Daphne Caruana Galizia.

Intant it-tlett irġiel suspettati li ġew arrestati fl-aħħar sigħat kienu diġà ġew arrestati f’Diċembru ta’ erba’ snin ilu meta l-pulizija wettqet diversi rejds u arrestat għaxar persuni.
Huma kienu nħelsu ftit wara.

Allegatament, it-tlett irġiel suspettati li ssupplixxew il-bomba, taw struzzjonijiet ċari lill-allegat eżekuturi fil-qtil ta’ Caruana Galizia dwar kif se jisplodu l-bomba fil-karozza ta’ Caruana Galizia.

Huma allegatament taw dettalji tal-messaġġ li kellu jintbagħat bil-mobile biex il-bomba tieħu.

Rapporti qed jgħidu li l-persuni arrestati llum anki taw armi f’idejn l-allegat eżekutturi biex jisparaw minn distanza u joqtlu lil Caruana Galizia.

Dan il-pjan kien ġie abbandunat u minflok saret il-bomba.

Vince Muscat jammetti l-akkużi dwar il-qtil ta’ DCG

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend