Notifiki

Iwieġbu ħatja li ppreżentaw test tal-Covid-19 falz fil-mitjar Malti

Libjan u żewġ Franċiżi ammettaw li fl-Ajruport Internazzjonali ta’ Malta għamlu dikjarazzjoni falza u li ffalsifikaw dokument.

Fil-Qorti ngħad li l-imputati kollha ppreżentaw testijiet foloz tal-Covid-19.

L-Avukat tal-għajnuna legali Joe Brincat f’isem iż-żewġ Franċiżi saħaq li dan l-att ma kien xejn għajr bluha taż-żgoħżija meta ppreżentaw test tal-Covid-19 falz waqt li ppruvaw jitilqu minn Malta.

Fil-fatt huma wieġbu ħatja tal-akkużi miġjuba kontrihom u ngħataw sentenza ta’ sentejn ħabs sospiżi għal erba’ snin.

Dan filwaqt li f’każ separat, raġel Libjan li ismu ma jistax jixxandar b’ordni tal-Qorti, wieġeb ħati tal-akkużi miġjuba kontrih.

Fil-Qorti ntqal li r-raġel ikkopera bi sħiħ mal-pulizija u saħansitra mar oltre minn dak li kien mistenni minnu.

L-Avukat tad-Difiża Charles Mercieca spjega li r-raġel wasal Malta b’test tal-Covid-19 veritier u li dan ir-reat seħħ waqt li kien qed jipprova jitlaq minn Malta.

L-imputat ngħata libertà kkundizzjonata għal sentejn.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend