Notifiki

Fiequ 165 persuna mill-Covid-19 u feġġew 164 każ

Fl-aħħar sigħat, fiequ 165 persuna oħra mill-Coronavirus f’pajjiżna u feġġew 164 każ minn fost 2,873 test.

Dan ifisser li 94.2% tat-testijiet li saru ġew negattivi, u 5.8% ġew pożittivi.

Fiċ-ċentri ta’ ttestjar f’pajjiżna saru aktar minn 648,516 test.

Fl-istess waqt, mindu beda jingħata l-vaċċin kontra l-COVID-19 f’Malta, ingħataw 46,344 tilqima. Minnhom, 13,820 ħadu t-tieni doża.

Intant, fl-aħħar erbgħa u għoxrin siegħa, mietu żewġ anzjani li kienu pożittivi għall-COVID-19; anzjan ta’ 84 sena fl-Isptar Karin Grech u anzjana ta’ 82 sena fl-Isptar Mater Dei.

Fil-bullettin mediku ta’ kull nhar ta’ Ġimgħa, is-Supretendent tas-Saħħa Pubblika, il-Professur Charmaine Gauci, spjegat li l-pjan ta’ tilqim f’Malta miexi b’ritmu mgħaġġel.

Dan fost persuni li jaħdmu f’setturi kliniċi tal-Gvern u tal-privat, l-anzjani u l-ħaddiema fid-djar tal-anzjani, l-anzjani fil-komunità u ħaddiema fil-Forzi tal-Ordni.

Din il-ġimgħa wkoll bdew jitlaqqmu l-persuni vulnerabbli.

Il-Professur Gauci appellat biex min jilbes maskri tad-drapp, ikun ċert li qed jagħtuh l-ogħla livell ta’ protezzjoni.

Hija saħqet: “Jekk inti ħa tuża cloth mask li hija pereżempju layer wieħed jew inkella żewġ layers, dik mhix biżżejjed biex tipproteġi għaċ-ċirkolazzjoni tal-Coronavirus allura l-appell tagħna huwa li noqogħdu attenti liema tip ta’ masks jintużaw u jkunu skont il-linji gwida li ssibu wkoll fuq il-website tagħna.”

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend