Notifiki

Dak li allegatament ħaraq l-Ark tal-Furjana ġie akkużat ukoll b’pusses ta’ droga

Bjorn Grima ta’ 35 sena minn ta’ Sliema ngħata l-libertà proviżorja wara li tressaq il-Qorti akkużat b’pussess aggravat ta’ droga.

Il-każ seħħ l-Erbgħa li għadda għall-ħabta tas-sitta ta’ filgħaxija meta l-akkużat twaqqaf mill-Pulizija waqt li kien ħdejn it-Terminal tal-Gozo Channel fiċ-Ċirkewwa.

Waqt tfittxija fil-karozza ta’ Grima allegatament instabu tletin gramma ta’ Kokaina.

Quddiem il-Qorti ppreseduta mill-Maġistrat Donatella Frendo Dimech, Grima ġie akkużat ukoll li kiser il-kundizzjonijiet tal-ħelsien mill-arrest, wara li fl-2019 kien ġie akkużat li ħaraq l-ark storiku tal-Furjana.

Il-Prosekuzzjoni mmexxija mill-ispettur Alfredo Mangion oġezzjona għall-ħelsien mill-arrest.

Iżda għal dan, l-Avukati difensuri qalu li l-akkużat għadu innoċenti u li l-uniku xhud f’dan il-każ hija l-għarusa tiegħu li kienet miegħu fil-karozza u li diġa’ qalet mal-Pulizija li ma kenitx taf bid-droga.

Il-Qorti tatu l-libertà fuq depożitu u garanzija personali ta’ €5,000.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend