Anzjan ta’ 71 sena jweġġa’ gravi f’inċident fir-Rabat

Anzjan ta’ 71 sena minn Ħaż-Żebbuġ qed isofri minn ġrieħi gravi wara li kien involut f’inċident tat-traffiku.

L-inċident seħħ il-Ħamis fis-7:15 ta’ filgħaxija fi Triq Għajn Kajjet ir-Rabat.

Minn investigazzjonijiet preliminari li saru mill-pulizija li marru fuq il-post, irriżulta li l-anzjan tilef il-kontroll tal-karozza tal-għamla Subaru li kien qed isuq, bil-konsegwenza li ħabat ma’ ħajt.

Is-sewwieq ingħata l-ewwel għajnuna minn tim mediku u aktar tard ittieħed l-isptar Mater Dei għal aktar kura.

L-investigazzjonijiet tal-Pulizija tad-Distrett għadhom għaddejjin.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend