Jinnutaw dettalji qarrieqa fi storja li xi ħadd ta lill-midja biex idawwar l-attenzjoni minn fuqu – One News

Notifiki

Jinnutaw dettalji qarrieqa fi storja li xi ħadd ta lill-midja biex idawwar l-attenzjoni minn fuqu

Il-Ministru għall-Ġustizzja Edward Zammit Lewis innota l-istorja ppubblikata fuq is-sit Lovinmalta dwar btala li kellu hu u l-familja tiegħu u l-familja ta’ Dr Joseph Muscat fi Franza.

Il-Ministru Zammit Lewis qal li l-istorja tal-Lovinmalta hija waħda qarrieqa u intiża sabiex tkisser il-karattru politiku tiegħu wara li f’ħidmietu għamel dak kollu possibli biex tirrenja s-saltna ta’ dritt u l-governanza t-tajba f’pajjiżna.

Saħaq li l-istorja hija żbaljata fl-iktar dettalji bażiċi.

Spjega li ma kien hemm l-ebda safra fi Franza fl-2017 iżda huwa siefer bil-familji fi Franza fl-2014.

Dr Zammit Lewis tella’ ritratti bid-dati bħala prova li fl-2017 huwa kien Sqallija u mhux fl-imsemmija btala fi Franza.

Qal li għal darb’oħra jidher biċ-ċar li hemm element ta’ qerq f’dak li ġie rrappurtat.

Bi kliem ċar kiteb li ma talabx għall-ebda favuri u għall- akkomodazzjoni b’xejn u l-familji użaw titjiriet kummerċjali.

Intant fuq il-profil tiegħu fuq Facebook, l-eks Prim Ministru Dr Joseph Muscat ukoll qal li l-Lovinmalta ħarġet b’titlu u storja qarrieqa.

Innota li persuna magħrufa sew bdiet iddur xi midja tfesfes, forsi biex tneħħi l-attenzjoni minn fuqha.

Irrimarka li filwaqt li hu kien għal btala, kien imsejjaħ għal Summit Ewropew, li kien jaf bih wara li saru l-arranġamenti għal btala.

Qal li l-ajruplan privat li ntuża għas-Summit kien l-istess wieħed li użaw Prim Ministri ta’ qablu sa minn żmien Eddie Fenech Adami u li kien isir l-istess irrispettivament minn fejn telaq biex imur għas-Summit Ewropew.

Dr Muscat innota wkoll dettalji dwar chats li hu ċaħad bil-fatti.

Ta’ QabelLi Jmiss

3 Comments

  1. Fittxu lill din il gazzetta u lill min qala din il qidba ghad danni.Xbajna nisimaw dawn il qlajjiet u hadd ma jirraporta lill kumissarju ta letika parlamentari.Din il gazzetta jixraqila lisem li ghandha?

  2. M’hemmx limitu ghall-hdura, mibgheda u gideb li jxerrdu tat-Times of Malta u tal-Loving Malta, basta joskuraw lill-Partit Laburista u kull min imiss mieghu. Il-legat ta’ Daphne Caruana Galizia issa gie stabbilit sewwa u l-hdura li dejjem qalghet mill-istonku taghha kontra l-Labour issa sar l-agenda ta’ dawn iz-zewg gazzetti bir-rappurtagg moqziez, giddieb u xewwiexi taghhom.

Leave a Reply

Your email address will not be published. Required fields are marked *

Send this to a friend