Tgergir kbir fid-Dar Ċentrali dwar l-għażla tad-distretti li fihom se jikkontesta Bernard Grech – One News

Notifiki

Tgergir kbir fid-Dar Ċentrali dwar l-għażla tad-distretti li fihom se jikkontesta Bernard Grech

Irkejjen fid-Dar Ċentrali qed iwasslu ħafna lmenti dwar l-għażla ta’ Bernard Grech li jikkontesta fuq il-11-il distrett.

Irrappurtat dan il-gazzetta The Malta Independent, il-Ħadd filgħodu hekk kif ftit tal jiem ilu l-Eżekuttiv tal-PN approva l-kandidatura ta’ Bernard Grech fuq il-5 u il-11-il distrett għall-elezzjoni li ġejja.

Fil-fatt, il-gazzetta nnutat xettiċiżmu u tgergir minn ħafna fi ħdan id-Dar Ċentrali dwar l-għażla li jikkontesta fuq il-11-il distrett.

L-ewwel nett sorsi fi ħdan id-Dar Ċentrali nnutaw kif Grech għoddu beża’ jikkontesta fuq it-12-il distrett għaliex fl-elezzjoni tal-2017, il-Partit Nazzjonalista hawnhekk ma marx daqstant tajjeb daqs kemm mar fil-11-il distrett.

Sors partikolari spjega kif hemm ċans akbar li l-Partit Nazzjonalista jitlef it-12-il distrett milli jitlef il-11-il distrett. Kien għalhekk li kien ikun aktar għaqli li l-Kap jikkontesta fuq it-12-il distrett sabiex jġib aktar voti.

Madankollu ħafna qed jinnutaw kif din il-mossa ta’ Grech ma hija xejn ħlief tentattiv sabiex iqaċċat lil dawk l-aktar leali lejn l-eks Kap Adrian Delia.

Mossa li tikkonferma għal kollox kif il-fazzjonijiet li farrku l-istrutturi tal-Partit Nazzjonalista għadhom jiddominaw anke taħt it-tmexxija ta’ Bernard Grech.

Il-11-il distrett jinkludi l-Imdina, Ħ’Attard, il-Mosta u Burmarrad. Minn hawn, kienu telgħu l-Membri Parlamentari Maria Deguara, David Agius, Edwin Vassallo, u Ivan Bartolo.

Minn dawn l-erbgħa, tlieta minnhom huma meqjusa li kienu favur Adrian Delia, bl-aktar wieħed leali huwa Edwin Vassallo li anki wara li ġie sfiduċjat Delia, baqa’ jitkellem favurih.

Fl-aħħar jiem sorsi ta’ ONE News ukoll ikkonfermaw l-għodju kbir li għandu d-Deputat Mexxej David Agius għall-Grech wara li għażel jikkontesta fuq l-istess distrett tiegħu f’mossa meqjusa biex jaqtalu saqajh.

Ta’ QabelLi Jmiss

Leave a Reply

Your email address will not be published. Required fields are marked *