Segwi spettaklu ta’ dawl tal-Milied mill-karozza privata – One News

Notifiki

Segwi spettaklu ta’ dawl tal-Milied mill-karozza privata

Mill-4 ta’ Diċembru sal-10 ta’ Jannar, il-villaġġ tad-divertiment Gianpula se jinbidel fi spettaklu ta’ dwal ikkuluriti għal żmien il-Milied.

Dan l-avveniment, li se jara t-toroq tal-villaġġ jiżżejnu kollha bi strutturi mdawla, se jkun ta’ spettaklu għall-familja kollha, u se jsir b’risq il-Fondazzjoni Malta Community Chest Fund.

Id-diversi strutturi se jingħataw il-ħajja bid-dawl u joħolqu atmosfera maġika, kif spjegat il-koordinatur tal-avveniment Sarah Aquilina.

Hija spjegat: “Kif qed tara huma strutturi kbar li jingħataw il-ħajja bid-dawl. Hemm affarjiet bħal annimali, kreaturi tal-immaġinazzjoni bħall-‘Candy House’, hemm affarjiet ta’ taħt il-baħar bħall-‘Coral World’ u għandna strutturi relatati mal-Milied.”

Lil hinn mix-xogħol li qed isir biex tinħoloq atmosfera ta’ Milied, għaddej xogħol ikbar biex min jattendi jħossu sigur f’dan iż-żmien ta’ pandemija.

Aquilina sostniet: “Din hija “drive-through u qatt m’għandek tinżel mill-karozza tiegħek. L-istaff minn mal-bieb se jgħidulek biex ittella’ t-tieqa biex niscanjaw il-biljett bit-tieqa magħluqa ħalli ma jkollokx kuntatt mal-istaff tagħna madwar it-triq.”

 Kull min jixtieq jattendi jista’ jibbukja b’mod elettroniku minn fuq is-sit “showshappening” u jsib l-avveniment “The Magical Illuminated Trail”.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend