Il-Prim Ministru jiltaqa’ mas-Segretarju tad-Difiża Amerikan – One News

Notifiki

Il-Prim Ministru jiltaqa’ mas-Segretarju tad-Difiża Amerikan

Il-Prim Ministru Robert Abela l-Erbgħa filgħodu kellu taħditiet bilaterali mas-Segretarju tad-Difiża Amerikan Mark T. Esper fil-Berġa ta’ Kastilja.

Matul din il-laqgħa l-Prim Ministru Abela u s-Segretarju tad-Difiża iddiskutew għadd ta’ kwistjonijiet, fosthom ir-relazzjonijiet bilaterali u kif din ir-relazzjoni tista’ tkompli tissaħħaħ.

Id-diskussjonijiet iffukaw ukoll fuq l-isfidi tal-migrazzjoni, kif ukoll, fuq il-koperazzjoni bejn il-Forzi Armati ta’ Malta u l-Forzi Amerikani.

Fil-laqgħa ħareġ kif il-Forzi Armati tal-Istati Uniti se tipprovdi taħriġ formattiv u tekniku lis-suldati Maltin.

Apparti li jassistu lil Malta fil-militar fejn hemm relazzjonijiet mill-aqwa bejn iż-żewġ naħat, l-Amerikani jassistu ħafna lill-Armata Maltija f’taħriġ professjonali tas-suldati Maltin fl-oqsma kollha, inkluż fit-taqsima għall-operazzjoni speċjali.

Infatti kull sena, il-Forzi Armati ta’ Malta tibgħat numru ta’ uffiċjali u suldati fl-Amerka fejn suldati Maltin jingħataw taħriġ speċjalizzat u uffiċjali Amerikani jiġu jagħtu taħriġ anke f’pajjiżna.

Għal dawn id-diskussjonijiet kien hemm preżenti wkoll il-Ministru għall-Affarijiet Barranin Evarist Bartolo u l-Ministru għall-Intern Byron Camilleri.

Ritratti: Gareth Degiorgio 

Ta’ QabelLi Jmiss

4 Comments

Leave a Reply

Your email address will not be published. Required fields are marked *

Send this to a friend