Arrestat wara li ħalla tifel b’senter tal-kaċċa f’idejh f’Birżebbuġa – One News

Notifiki

Arrestat wara li ħalla tifel b’senter tal-kaċċa f’idejh f’Birżebbuġa

Raġel ta’ 62 sena minn Birżebbuġa arrestat wara rapport li tifel kellu fil-pussess tiegħu senter tal-kaċċa.

Is-Sibt għal-ħabta tas-7:15 ta’ filgħodu, il-Pulizija tal-Protezzjoni Ambjentali ġew mgħarfa mill-Kumitat Kontra l-Qtil tal-Għasafar, il-CABS li fi Triq il-Brolli, Birżebbuġa kien hemm minuri li kien f’pussess ta’ arma tan-nar.

Immedjatament il-pulizija marret fuq il-post, iżda sakemm laħqu waslu ma sabu lil ħadd.

Iżda wara analiżi tal-filmati u investigazzjonijiet oħra, il-Pulizija identifikat lis-suspettat li kien qed jieħu ħsieb lit-tifel. Il-pulizija kkonfiskat l-arma tan-nar li kellu t-tifel f’idejh.

Ir-raġel mistenni jitressaq il-Qorti b’akkużi relatati ma’ dan il-każ filwaqt li linvestigazzjonijiet tal-Pulizija għadhom għaddejjin.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend