Ħidma biex jitnaddfu l-widien – One News

Notifiki

Ħidma biex jitnaddfu l-widien

Id-Dipartiment li jieħu ħsieb il-widien u d-Diviżjoni tal-Manutenzjoni u t-Tindif għamlet xogħol importanti fil-widien madwar Malta u Għawdex.

Permezz ta’ din il-ħidma, ma kienx hemm rapporti ta’ ħsarat fil-widien fl-ewwel maltempati.

F’din il-ħidma tneħħew mitt tunnellata ta’ skart fosthom skart domestiku u skart tal-kostruzzjoni li ntremew b’mod illegali u nbena lqugħ permezz ta’ ħitan tas-sejjieħ.

Waqt żjara f’wieħed mill-widien il-Ministru Julia Farrugia Portelli qalet kif din il-ħidma tmur paripassu mal-proġett li tħabbar f’Lulju li għadda b’investiment ta’ sbatax-il miljun ewro.

Hija qalet: “Dan ifisser li b’kollox aħna stajna nikkonsolidaw il-ħidma tagħna. Rajna f’dan il-wied partikolari mhux biss il-500 siġra illi kienu qed jinżegħru tul ix-xhur li għaddew, imma l-eluf ta’ tunnelati li nġabru, li grazzi għal hekk imbagħad kellna sitwazzjoni fejn il-widien setgħu jiġbru aktar ilmijiet.”

Is-Segretarju Parlamentari Deo Debattista spjega kif dawn il-ħaddiema naddfu diversi postijiet madwar Malta.

Huwa stqarr: “L-entitajiet qed inħarsu li jkollna inqas waste. Nitolbu l-għajnuna tagħkom biex fl-aħħar mill-aħħar tiffaċilitaw ix-xogħol tagħna u fl-istess ħin ikollna Malta ħafna isbaħ.”

Sal-aħħar ta’ Awwissu, nġabru ħdax-il elf tunellata ta’ skart mormi illegalment madwar il-pajjiż.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend