Iwieġeb ħati biex jevita ġuri fuq kumplott ta’ traffikar ta’ droga – One News

Notifiki

Iwieġeb ħati biex jevita ġuri fuq kumplott ta’ traffikar ta’ droga

Theophilus Nwadike, li għandu disgħa u tletin sena ngħata sentenza ta’ tmien snin ħabs u multa ta’ ħamsa u għoxrin elf ewro wara li wieġeb ħati għall-akkużi miġjuba kontrih biex jevita ġuri.

Quddiem l-Imħallef Giovanni Grixti, in-Niġerjan ittella’ l-qorti mixli li għaxar snin ilu kien parti minn kumplott biex jiġi importat u traffikat aktar minn kilo droga eroina.

Fil-Qorti ħareġ li d-droga kienet se tiġi importata moħbija ġo par żarbun li kien se jintlibes minn Spanjol.

L-ispanjol kellu jgħaddi għaż-żarbun f’Amsterdam u minn hemm qabad it-triq lejn Malta b’elf, mija u tmienja u għoxrin gramma eroina li tiswa aktar minn ħamsin elf ewro.

Nwadike flimkien ma’ persuna oħra kienu arrestati fejn Nwadike nstab li kellu fuqu elfejn ewro biex iħallas lill-Ispanjol.

Ta’ QabelLi Jmiss

1 Comment

Leave a Reply

Your email address will not be published. Required fields are marked *

Send this to a friend