Bernard Grech jitfa’ n-nomina mingħajr ma ppubblika r-rapport tad-due diligence – One News

Notifiki

Bernard Grech jitfa’ n-nomina mingħajr ma ppubblika r-rapport tad-due diligence

Bernard Grech tefa’ n-nomina għal Kap tal-Partit Nazzjonalista.

Huwa mar jitfa’ n-nomina wara li ma ppubblikax ir-rapport ta’ due diligence li għamel il-Partit Nazzjonalista dwaru.

F’kummenti li ta wara li preżenta n-nomina, Bernard Grech semma l-ġbir tal-flus li ġabar permezz tal-kampanja li għamel imsejħa ‘crowdfunding’.

Il-Partit Laburista, permezz tal-whip Glenn Bedingfield u l-avukat Andy Ellul sejjaħ il-proċess ta’ due diligence bħala wieħed superfiċjali u talab biex dan ir-rapport li suppost għarbel lil Bernard Grech u lil Adrian Delia jiġi ppubblikat.

Il-Partit Laburista kien saħaq li fil-verament ma hemmx għażla bejn Bernard Grech u Adrian Delia.

Intqal li s-suppost eżerċizzju ta’ diliġenza, minflok wera standards ta’ trasparenza, wera segretezza hekk kif inżamm kollox mistur fil-konfront taż-żewġ kandidati.

Intant id-deputat Nazzjonalista Jason Azzopardi, li huwa fost l-esponenti ewlenin mill-fazzjoni ta’ Simon Busuttil li qed jimmuntaw il-kampanja ta’ Bernard Grech, qal li mhux min-naħa ta’ Grech li r-rapport ta’ due diligence għadu ma ġiex ippubblikat.

Dan f’botta ċara lejn il-fazzjoni ta’ Adrian Delia hekk kif il-ġlieda bejn iż-żewġ fazzjonijiet kompliet tiħrax biex xi ħadd minnhom jikseb ir-riedni tal-Partit Nazzjonalista.

Id-dellijiet fuq iż-żewġ kandidati ħarġu fil-beraħ, b’tal-aħħar kienet is-saga tat-taxxa u tal-VAT dwar Bernard Grech.

Fil-fatt Bernard Grech, li issa huwa uffiċjalment kandidat għal Kap tal-Partit Nazzjonalista wara li mar jippreżenta n-nomina mingħajr ma ġie ppubblikat ir-rapport ta’ due diligence fuqu, kien naqas iħallas eluf kbar ta’ ewro f’taxxa u f’VAT.

Saħansitra kien hemm ċertu pendenzi fi ħlasijiet li jmorru lura għal disa’ snin ilu.

Ta’ QabelLi Jmiss

Leave a Reply

Your email address will not be published. Required fields are marked *