Notifiki

Mit-Tnejn li ġej il-MAM tissospendi d-direttivi tal-operazzjonijiet imma mhux tal-outpatients

L-Assoċjazzjoni Medika Maltija ħabbret li mit-Tnejn li ġej, se tissospendi wħud mid-direttivi tagħha.

Il-MAM spjegat fi stqarrija li mit-Tnejn li ġej fit-tmienja ta’ filgħodu, se tkompli bl-operazzjonijiet u interventi kirurġiċi, imma se tħalli d-direttivi fid-dipartiment tal-outpatients.

Fl-istqarrija, il-MAM irrikonoxxiet li l-Prim Ministru u l-Ministru tas-Saħħa għarfu l-bżonn ta’ miżuri ġodda paripassu ma’ kif qed tiżviluppa l-pandemija f’pajjiżna.

L-assoċjazzjoni laqgħet b’sodisfazzjon il-miżura tal-ilbies obbligatorju tal-maskri f’postijiet ġewwa, u nnutat li din se tiġi nfurzata b’multi.

Il-MAM qalet li se tkun qed issegwi mill-qrib l-infurzar u l-effetti li se jħallu dawn il-miżuri, qabel ma tissospendi d-direttivi fid-dipartiment tal-outpatients.

Dan anki jekk qalet li qed tieħu dawn id-deċiżjonijiet b’risq is-saħħa tal-pazjenti.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend