Wara li remgħu lil Comodini Cachia ma jafux lil min iridu joħroġ għal Kap – One News

Notifiki

Wara li remgħu lil Comodini Cachia ma jafux lil min iridu joħroġ għal Kap

Wara li qed jagħmlu minn kollox sabiex Adrian Delia ma jibqax Kap Nazzjonalista, u sfiduċjawh erba’ darbiet, issa r-ribelli għadhom ma rnexxilhomx jingħaqdu wara kandidat wieħed sabiex jipprova jegħleb lil Delia.

It-Tlieta d-deputati ribelli kellhom ġurnata oħra ta’ laqgħat, li minnhom ma ħareġ xejn għax għadhom ma rnexxilhomx jingħaqdu wara kandidat wieħed.

Sorsi li tkellmu mal-Maltatoday qalu li d-deputati ribelli jridu lil xi ħadd li jkun jista jirbaħ lil Delia u jagħti ċans lil Partit Nazzjonalista jirbaħ l-elezzjoni, għalhekk qed jipprovaw jingħaqdu wara kandidat wieħed.

Is-sors tal-Maltatoday żied jgħid li d-deputati ribelli iridu kandidat li jirnexxielu jnaqqar mill-voti ta’ Delia.

Fuq quddiem li jintgħażlu mill-fazzjoni Busuttil hemm Bernard Grech u Roberta Metsola.

Il-Maltatoday żiedet tirapporta li Delia diġà għandu 44% tal-Kunsilliera u jekk joħorġu iżjed minn kandidat wieħed f’isem il-fazzjoni ta’ Busuttil, Delia se jkollu kważi ċ-ċertezza li se jtellaq l-aħħar tellieqa quddiem it-tesserati.

B’hekk nifhmu li ta’ Busuttil ma jridux iżjed minn kandidat wieħed f’isimhom biex il-voti ma jinqasmux u b’hekk jakkwista Delia.

Għalhekk id-deputat li sfiduċjaw lil Delia jidher li remgħu kompletament lid-deputat Therese Comodini Cachia, dik li għall-ewwel riduha Kap tal-Oppożizzjoni iżda issa ma jriduha b’xejn biex tmexxi lill-Partit Nazzjonalista.

Sorsi li tkellmu mal-Maltatoday qalu bħal dak li rrappurtat il-gazzetta Kullħadd, nhar il-Ħadd li għadda, li Therese Comodini Cachia tinsab iddispjaċuta li d-deputati ħbieb tagħha issa injorawha kompletament u għasruha bħal-lumija.

Fost dawk li issa ma jridx lil Comodini Cachia hemm Jason Azzopardi li kmieni l-ġimgħa l-oħra mar jikkonfoffaw ma’ Bernard Grech sabiex jgħinu jirbaħ u jsirlu Kap Nazzjonalista.

 

 

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend