Jason Azzopardi jaqa’ fil-muta u m’għadux jaħlef fuq il-laqgħat ma’ Yorgen Fenech – One News

Notifiki

Jason Azzopardi jaqa’ fil-muta u m’għadux jaħlef fuq il-laqgħat ma’ Yorgen Fenech

Id-deputat Nazzjonalista Jason Azzopardi waqa’ fil-muta u mhux jaħlef aktar quddiem mistoqsijiet li sarulu dwar n-negozjant Yorgen Fenech.

Il-kummentatur politiku Dr. Simon Mercieca, saqsa lil Jason Azzopardi jekk huwiex lest jaħlef li qatt ma ċempel lil Yorgen Fenech minn wara li kien mar dak il-famuż tieġ? Azzopardi ma weġbix din il-mistoqsija.

Il-Ħadd Azzopardi kien ħalef li qatt ma ltaqa’ ma’ Yorgen Fenech. Ftit wara l-ħalfa ta’ Jason Azzopardi feġġ ritratt tiegħu bit-tazza f’idu, jitbissem ma’ Yorgen Fench.

Ir-ritratt kien ittieħed fl-4 ta’ April elfejn u disgħa propja fit-tieġ ta’ Fenech, is-suspettat mandant fil-qtil ta’ Daphne Caruana Galizia.

Dak iż-żmien Jason Azzopardi kien Segretarju Parlamentari tal-artijiet fil-gvern imexxi minn Lawrence Gonzi.

It-Tlieta Simon Mercieca ukoll saqsa lil Jason Azzopardi, hux lest jaħlef li qatt m’uża l-lukanda Hilton għall-attivitajiet elettorali tiegħu

Hawnhekk ukoll Jason Azzopardi waqa’ fi skiet li jtarrax.

Omm Yorgen Fenech, Patricia Fenech, irrabjat bil-kumment ta’ Jason Azzopardi li ħalef li qatt ma ltaqa’ ma’ binha.

Fuq facebook, Patricia Fenech staqsitu “Dr. Azzopardi inti żgur?”

Żiedet tgħid li qed tissuspetta li dan l-aħħar il-memorja ta’ Jason Azzopardi mhux qed ittih.

“Allura qed tgħid li qatt f’ħajtek ma ltqajt ma’ ibni? Aħseb sew dottore”, qaltlu omm Yorgen Fenech.

F’kitba oħra ftit wara, omm is-suspettat mandant fil-qtil ta’ Caruana Galizia tgħid lil Jason Azzopardi, “U ħlift ukoll?”

Żiedet tgħid li miskin min jemmen lil Jason Azzopardi u b’ittri kbar qalet li hi tafu aħjar lil Jason Azzopardi u Azzopardi stess jaf lilha aħjar.

Talli kitbet hekk, Jason Azzopardi imblukka lil omm Yorgen Fenech sabiex ma tikxiflux aktar borom u neħħa l-kumment tagħha.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend