Ġuvni ta’ 19-il sena jinħeles mill-arrest wara li seraq mutur f’Kerċem Għawdex

Żagħzugħ ta’ dsatax-il sena ametta li seraq mutur minn Kerċem Għawdex.

Wara diversi jiem ta’ investigazzjonijiet mill-Pulizija tal-Iskwadra ta’ Kontra r-Reati Vjolenti fi ħdan id-Dipartiment tar-Reati Maġġuri, flimkien mal-Pulizija tad-Distrett t’Għawdex, arrestat lil ġuvni residenti Santa Venera.

Il-każ ġara fl-għoxrin ta’ Ġunju meta l-ġuvni seraq mutur tal-għamla Honda minn Triq Qasam San Ġorġ, Kerċem, Għawdex.

Mill-istħarriġ li għamlu l-Pulizija, il-ġuvni ġie identifikat bħala l-allegat ħalliel u ġie arrestat.

Huwa tressaq il-Qorti ta’ Għawdex quddiem il-Maġistrat Simone Grech u ġie liberat bil-kundizzjoni li ma jagħmilx reat ieħor fi żmien tliet snin.

Il-prosekuzzjoni f’dan il-każ tmexxiet mill-Ispetturi Mario Xiberras u Bernard Charles Spiteri.

Għall-akkuzat dehru l-avukati Franco Debono u Marion Camilleri.

Ta’ QabelLi Jmiss

1 Comment

Leave a Reply

Your email address will not be published. Required fields are marked *

Send this to a friend