Delia jippretendi li dawk li sfiduċjawh jirrispettaw lit-tesserati – One News

Notifiki

Delia jippretendi li dawk li sfiduċjawh jirrispettaw lit-tesserati

Il-Kap Nazzjonalista Adrian Delia tenna li hu se jibqa’ fil-kariga ta’ Kap tal-Partit Nazzjonalista sabiex jirrispetta l-mandat tat-tesserati.

Fuq l-istazzjon tiegħu huwa fetaħ attakk fuq id-deputati li sfiduċjawh.

“Il-volum ta’ messaġġi ta’ appoġġ, taqtax qalbek. Imma jien nista’ lil dawn it-tesserati li riduni hawn.”

Fuq in-NET, Adrian Delia akkuża lid-deputati li sfiduċjawh li mhux jirrispetaw lit-tesserati.

“Mill-grupp parlamentari nippretendi li naħdmu flimkien. Li anki huma iridu jirrispetaw lit-tesserati.”

Kompla jinsisti li lanqas l-vot tat-tesserati, dawn id-dsatax-il deputat ma jridu jirrispettaw.

“Issa l-vot tagħhom ma nirrispetawx. It-tesserati riduni hawn u għadhom iriduni hawn.”

F’ħin minnhom, il-preżentatriċi Louise Tedesco bdiet issaqsi fuq il-partit maqsum, b’Delia qal li dawn id-deputati li sfiduċjawhx ma ridux jaħdmu miegħu.

“Kif se jaħdem il-Partit li għandu qasma bejn it-tmexxija u l-grupp parlamentari? …Dejjem ikun hemm min tgħid x’tgħid ma jridux jaħdmu.”

Adrian Delia qatt ma ġie aċċettat mid-deputati tal-fazzjoni ta’ Simon Busuttil. Hawnhekk tkellem fuq il-bsaten fir-roti li għamlulu qabel u wara li sar Kap.

“Kelli min kien kontra qabel u min kontrih wara li dħalt.”

 

 

 

 

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend