Adrian Delia jgħid li mhux se jċedi u se jibqa’ Kap tal-PN – One News

Notifiki

Adrian Delia jgħid li mhux se jċedi u se jibqa’ Kap tal-PN

Wara li ġie sfiduċjat, Adrian Delia qal li hu se jibqa’ Kap Nazzjonalista u Kap tal-Oppożizzjoni.

F’konferenza tal-aħbarijiet fis-sagħtejn ta’ bil-lejl Adrian Delia ta r-reazzjoni tiegħu wara li ġie sfiduċjat mill-grupp parlamentari Nazzjonalista.

Huwa sostna: “Għada nidħol lura għax xogħol bħala Kap tal-Partit Nazzjonalista u Kap tal-Oppożizzjoni.”

B’ton li mhux se jċedi wara li 19-il deputat sfiduċjah, u 11-il deputat urewh appoġġ, Delia bagħat messaġġ ċar lil min irid ineħħih.

Delia saħaq: “Iżda t-tesserati tal-Partit għamlu għażla biex jien immexxi l-Partit.”

Wara li Chris Said, il-kontestant kontra Delia fit-tellieqa għal Kap fis-sajf ta’ tliet snin ilu, preżenta l-mozzjoni ta’ sfiduċja li ġiet is-sekondata minn Therese Comodini Cachia, Adrian Delia qal li kulħadd irid jerfa’ r-responsabilità ta’ għemilu.

Delia tenna: “Tlabt li l-vot ikun miftuħ. Ħalli kulħadd jerfa’ responsabilità imma l-vot kien sigriet. Kulħadd għandu l-għażliet imma kulħadd jerfa responsabilità tiegħu.”

Delia qal li xejn ma jista’ jneħħih minn Kap tal-Partit Nazzjonalista. Huwa saħaq: “Ġejt elett għal terminu u xjen u ħadd ma jista jneħħi minn dik il-kariga.”

Fi stqarrija, il-Partit Nazzjonalista qal li l-Kap tal-partit informa lill-grupp parlamentari li beħsiebu jsejjaħ immedjatament laqgħa tal-Kumitat Eżekuttiv fuq is-suġġett ta’ sfiduċja.

Intqal li wara dan, Chris Said insista li xorta waħda jittieħed il-vot li fuq talba tal-istess membri tal-grupp parlamentari ittieħed b’mod sigriet.

Il-Partit Nazzjonalista qal li Adrian Delia se jsejjaħ immedjatament laqgħa tal-Kumitat Eżekuttiv fuq l-istess vot, kif iddikjara li se jagħmel anki qabel l-istess vot.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend