Id-dejn ikompli jinżel meta mqabbel mal-Prodott Domestiku Gross – One News

Notifiki

Id-dejn ikompli jinżel meta mqabbel mal-Prodott Domestiku Gross

Matul is-sena l-oħra d-dejn pubbliku mqabbel mal-prodott domestiku gross kompla jonqos.

Minn statistika maħruġa mill-uffiċċju nazzjonali tal-istatistika, is-sena l-oħra, id-dejn nazzjonali kien 43.1% tal-prodott domestiku gross.

Dan meta fis-sena ta’ qabel kien 45.8% tal-prodott domestiku gross.

Dan ifisser li mill-2018 għall-2019, il-piż tad-dejn imqabbel mal-prodott domestiku gross niżel bi kważi 3%. Fl-aħħar snin il-piż tad-dejn niżel.

Fil-fatt mill-2013 lil hawn id-dejn pubbliku mqabbel mal-prodott domestiku gross niżel b’aktar minn 25%.

Fil-fatt fl-2013, id-dejn kien 68.4% tal-prodott domestiku gross.

Fl-aħħar għaxar snin, l-aktar darba li ġie reġistrat dejn għoli kien fl-2011.

F’dik is-sena saħansitra d-dejn tal-Gvern kien 70.2% tal-prodott domestiku gross.

L-istatistika tal-NSO tinnota wkoll punti pożittivi fosthom tnaqqis fir-rata ta’ interessi f’termini nominali.

Filwaqt li fl-2016 ir-rata ta’ interessi f’termini nominali kienet ta’ 3.8%, is-sena l-oħra din niżlet għal 3.2%. Naqas ukoll id-dejn fi flus barranin.

Hawn hekk id-dejn naqas b’mitt elf ewro fi flus barranin.

Il-garanziji tal-Gvern fuq self naqsu wkoll bi kważi wieħed u tmenin miljun ewro.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend