ARA: Jagħtu ħinhom biex jipproteġu lin-nies mill-imxija – One News

Notifiki

ARA: Jagħtu ħinhom biex jipproteġu lin-nies mill-imxija

Bosta voluntiera qed jagħtu daqqa t’id sabiex jinħadmu maskri tad-drapp għal poplu Malti u Għawdxi dan sabiex il-komunitajiet iżommu ruħhom siguri matul il-pandemija tal-COVID-19.

Dan il-ġest nobbli ra diversi ħajjata jagħtu sigħat twal minn ħinhon.

Il-Fondazzjoni Marigold, imexxija mis-Sinjura Michelle Muscat hija fost l-għaqdiet li għaddejja b’dan il-proġett tal-produzzjoni tal-maskri.

Wieħed jista’ jordna dawn il-maskri minn fuq il-paġna ta’ Facebook tal-fondazzjoni u jagħti donazzjoni li tmur fost oħrajn għand Special Olympics, Puttinu, ALS Malta u l-Assoċjazzjoni tal-Ġenituri tat-tfal bl-Awtiżmu.

Intant il-Kunsill Lokali ta’ Ta’ Xbiex ingħaqad f’din l-inizjattiva tal-produzzjoni tal-maskri.

Is-Sindku ta’ Ta’ Xbiex, Max Zammit tenna li s-saħħa tar-residenti dejjem kienet fuq quddiem tal-prijoritajiet tal-Kunsill u għaldaqstant qed jqassmu dawn il-maskri u visors b’xejn.

Huwa spjega:“L-iskop huwa mhux biss li nħarsu s-saħħa tar-residenti tagħna iżda wkoll ngħinu lill-fondazzjoni Marigold li tant tagħmel xogħol ma’ nies fil-bżonn”.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend