Agius skomdu quddiem il-kliem surreali ta’ Delia – One News

Notifiki

Agius skomdu quddiem il-kliem surreali ta’ Delia

Il-Viċi Kap nazzjonalista David Agius kien skomdu meta saqsejnih dwar id-dikjarazzjoni surreali li għamel l-Kap Nazzjonalista Adrian Delia fil-jum tat-Tlieta.

Adrian Delia, qal li l-kelliem tiegħu għall-Oppożizzjoni Jason Azzopardi ma preżenta l-ebda kwerela kontra s-suldati u l-Prim Ministru.

Iżda David Agius rreferina għal meta Delia ħareġ għonqu għal Jason Azzopardi.

Huwa wieġeb: “Nirreferik għal press conference li għamilna flimkien dakinhar u m’hemmx aktar xi nżid.”

 Fil-konferenza tal-aħbarijiet ta’ meta Delia ġabar lin-nies madwaru, Delia kien qal hekk dwar il-kwerela li fetaħ id-deputat Nazzjonalista Jason Azzopardi kontra l-armata.

Delia qal: “L-avukat Azzopardi aġixxa biss bħala avukat fil-qadi tad-doveri professjonali tiegħu.”

 Iżda għaxart ijiem wara jiddefendi lil Azzopardi, Adrian Delia qal li Azzopardi ma preżenta l-ebda kwerela.

Delia lbieraħ sostna: “Jason Azzopardi ma preżenta l-ebda kwerela la kontra s-suldati, la kontra l-Prim Ministru. Kontra ħadd.”

 Kif jixhdu wkoll id-dokumenti tal-kwereli mressqa minn Jason Azzopardi, dawn kienu ffirmati mill-kelliem tal-Oppożizzjoni għall-ġustizzja.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend