Jinħeles mill-arrest wara argument fit-triq – One News

Notifiki

Jinħeles mill-arrest wara argument fit-triq

Leandro Mansueto ta’ 21 sena mill-Furjana ngħata l-ħelsien mill-arrest.

Huwa tressaq il-qorti fl-24 ta’ Marzu wara li ġie mixli li weġġa’ lil Glenn Cassar ta’ 52 sena f’argument li kellhom fi Triq il-Mediterran fil-Belt.

Cassar kien baqa’ dieħel f’żewġ karozzi ipparkjati biex jevita ħabta minn vettura misjuqa minn Mansueto.

Dan l-inċident wassal għal argument jaħraq bejn Cassar u Mansueto. B’Mansueto allegatament ta daqqa ta’ sikkina f’sieq Cassar.

Kemm Mansueto kif ukoll Cassar kienu tressqu l-qorti. Bil-vitma ngħata l-ħelsien mill-arrest iżda Mansueto kien inżamm arrestat fil-lock up tal-Belt.

Dan għaliex bħala prekawzzjoni bħalissa min jinżamm arrestat qed jagħmel 15-il ġurnata fil-lock up tal-Belt u wara jittieħed fil-faċilità korettiva ta’ kordin minħabba l-Coronavirus.

Mansueto ġie ordnat li jinħeles fuq depożitu ta’ €2,000 u garanzija personali ta’ €3,000.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend