Il-linja 1772 se tibqa’ fis-seħħ wara li tgħaddi l-pandemija – One News

Notifiki

Il-linja 1772 se tibqa’ fis-seħħ wara li tgħaddi l-pandemija


Il-fondazzjoni għas-servizzi ta’ ħarsien soċjali rċeviet iktar minn 500 telefonata fl-ewwel ġimgħa mindu nfetħet il-linja 1772 għal dawk li jinsabu f’solitudni minħabba l-Coronavirus.

Il-Kap Eżekuttiv tal-fondazzjoni Alfred Grixti saħaq li minn dawn it-telefonati ħareġ biċ-ċar li minkejja li s-servizz kien maħsub l-iktar għall-anzjani, kien hemm nies ta’ età iżgħar li wkoll riedu lil xi ħadd min jismagħhom.

Is-Sur Grixti spjega: “Mhumiex l-anzjani biss li jkunu f’solitudni. Huma nies li minħabba l-pandemija li ġew mogħtija l-parir li jibqgħu ġewwa u tiskanta kemm hawn nies li jkunu waħidhom.”

Is-servizz diġà wera li huwa bżonnjuż u se jibqa’ fis-seħħ anke wara li jekk Alla jrid tgħaddi l-pandemija.

Is-Sur Grixti sostna: “Beħsiebna nibqgħu nagħtuh anke wara li jgħaddi l-għawġ li qegħdin fih.”

Intant il-fondazzjoni għaddejja bl-aħħar tħejjijiet biex tiċċaqlaq f’binja ġdida fejn se jkunu taħt saqaf wieħed is-servizzi marbuta mal-linji 1772 u 179.

Bħalissa l-impjegati qegħdin jaħdmu mid-dar għal raġunijiet ta’ saħħa pubblika, iżda l-ħsieb hu li malli tgħaddi l-pandemija, iż-żewġ il-linji jkollhom minn tal-inqas għaxar operaturi kull waħda.

Huwa kompla jispjega: “At any time għandek żgur il-1772 10 min-nies iwieġbu mbagħad għandek il-179 jaħdmu b’shift bejn 12-il impjegat.”

 Is-Sur Grixti rrimarka kif il-Fondazzjoni llum tibbenefika minn sittax fil-mija tal-fondi tal-Gvern u timpjega mat-tmien mija u ħamsin persuna.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend