Notifiki

Xemgħat u fjuri bojod biex ifakkru l-memorja tal-vittmi

Għexieren ta’ eluf ta’ persuni attendew viġili b’rispett lejn il-memorja tad-disa’ vittmi f’attakk minn estrimisti tal-lemin estrem, li fetħu n-nar f’żewġ stabbilimenti tad-divertiment f’Hanau fil-Ġermanja.

B’xemgħat u ward abjad f’idejhom, kienu ħafna li mlew it-toroq ta’ diversi bliet Ġermaniżi u mxew fis-skiet.

F’dawn il-viġili, il-Kanċillier tal-Ġermanja Angela Merkel tkellmet dwar il-velenu tar-razziżmu, filwaqt li l-President Frank-Walter Steinmeier qal li pajjiżu mhux se jkun intimidat.

L-attakk tal-Erbgħa filgħaxija qed jitqies bħala wieħed terroristiku.

Sadanittant, il-Gvern Ġermaniż qed jaffaċċja kritika u appelli kontinwi biex isaħħaħ il-ġlieda tiegħu kontra t-theddida ta’ estremisti tal-lemin estrem.

Ritratt: EPA

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend