Jirkupra €1.5 miljun li tħallsu żejjed minħabba sistema ġdida – One News

Jirkupra €1.5 miljun li tħallsu żejjed minħabba sistema ġdida

Id-Dipartiment tat-Teżor irkupra miljun u nofs ewro fi ħlasijiet li saru bi żball lil numru żgħir ta’ fornituri minħabba sistema ġdida.

Fi stqarrija, il-Ministeru għall-Finanzi qal li d-dipartiment ħa l-passi meħtieġa mal-ewwel u l-fornituri kkoperaw minnufih biex jagħtu lura l-ammont mhux dovut lilhom.

Id-Dipartiment tat-Teżor qal li permezz ta’ proċess ta’ verifika induna li dawn il-fornituri tħallsu darbtejn.

It-teżor qal li bħalissa għaddej bi proġett pilota biex il-ministeri u d-dipartimenti jeqilbu għas-sistema ta’ ‘accrual accounting’.

Spjega li dawn il-bidliet iġibu magħhom xi problemi inizjali li qed jiġu indirizzati.

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend