Miruslav u Camille l-ewwel tifel u tifla tas-sena fl-Isptar Mater Dei – One News

Miruslav u Camille l-ewwel tifel u tifla tas-sena fl-Isptar Mater Dei

Fl-ewwel ftit minuti tas-sena l-ġdida, twieled iċ-ċkejken Miruslav.

L-ewwel wild tal-Bulgara Desislava Kalaferova, li kien l-ewwel tarbija tas-sena l-ġdida fl-Isptar Mater Dei, li twieled fis-siegħa neqsin għaxra ta’ filgħodu.

“My first baby’s very good.His name is Miruslav and I’m very happy.”

Nofs siegħa wara, preċiżament fis-siegħa u wieħed u għoxrin ta’ filgħodu, twieldet l-ewwel tifla tas-sena fl-Isptar Mater Dei.

Iċ-ċkejkna Camille hija t-tielet tifla għall-koppja Daniela u Keiston Theuma, li waslet ġimgħat qabel mistenni.

“Ma kontx qed nistenniha fl-ewwel tas-sena għax ġejt għand it-tabib kelli visit normali u sabni lesta għall-ħlas.”

Daniela tispjega l-emozzjonijiet meta rat liċ-ċkejkna f’idejha.

“Indeskrivibbli l-imħabba li tara t-tarbija tiegħek filli ġo żaqqek u filli f’idejk.”

Filwaqt li l-hena tagħhom ifissdu liċ-ċkejkna Camille, il-ħsieb ta’ Daniela u Keiston ma naqasx li jmur fuq iż-żewġ ħutha bniet.

“Jieħdu pjaċir żgur għandhom 8 u 12 jiġifieri jafu x’għandhom jagħmlu u l-importanti li jkollhom l-imħabba u l-għaqda bejniethom.”

U kif se jħossu Keiston, issa li se jkollu erba’ nisa d-dar?

“Serduq ġo gallinar tiġieġ naħseb jien imma happy ħafna xtaqt li kollox imur sew u jiena girls inħobb.”

Aktar tard filgħodu, fis-sebgħa u tmienja u tletin minuta, twieled Marselo. L-ewwel wild għall-koppja Albaniża Marinela u Manolo, u t-tieni tifel fl-Isptar Mater Dei fl-ewwel jum tas-sena.

Ukoll sorpriża, hekk kif kellu jitwieled fl-aħħar ta’ Jannar.

“I’m still realising, I still cannot believe he’s here so for me it’s something I cannot explain with words. To be a father you have to be a responsable man.”

F’isem dawk kollha li jaħdmu fis-sala tat-twelid, iċ-Charge Midwife Doris Spagnol Abela spjegat li għalihom, l-ewwel tas-sena huwa jum bħall-oħrajn.

“Hija xi ħaġa sabiħa għax tara familji jibdew u huwa gost għalina li nagħtu servizz lil dawn in-nies.”

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend