AĠĠORNATA: Chris Cardona jissospendi ruħu mill-Kabinett u mill-kariga ta’ Deputat Mexxej tal-PL – One News

Notifiki

AĠĠORNATA: Chris Cardona jissospendi ruħu mill-Kabinett u mill-kariga ta’ Deputat Mexxej tal-PL


Il-Ministru għall-Ekonomija, Investiment u n-Negozji ż-Żgħar Chris Cardona qiegħed jissospendi ruħu b’mod immedjat mill-kariga tiegħu sakemm jintemmu l-investigazzjonijiet u l-proċeduri li għaddejjin bħalissa.

Din id-deċiżjoni ttieħdet wara diskussjoni mal-Prim Ministru.

Dr Cardona jiddikjara illi m’għandu assolutament l-ebda rabta mal-każ. Madanakollu, sostna li għal ġid tal-pajjiż, ladarba kien intalab jagħmel kjarifiċi mill-Pulizija, huwa jħossu fid-dmir li jieħu dan il-pass.

Intant fi stqarrija separat maħruġa mill-Partit Laburista sar magħruf li b’effett immedjat Chris Cardona qiegħed jissospendi lilu nnifsu mill-kariga ta’ Deputat Mexxej għall-Affarijiet tal-Partit, fil-Partit Laburista.

Din id-deċiżjoni kienet ikkomunikata lill-Mexxej u l-amministrazzjoni tal-Partit Laburista.

Filwaqt li jemfasizza li m’għandu assolutament l-ebda rabta mal-każ, Chris Cardona qed jagħmel dan sakemm jintemmu l-investigazzjonijiet u l-proċeduri li għaddejjin bħalissa.

Din id-deċiżjoni ttieħdet biex f’dan il-mument ma jkun hemm xejn li jxekkel lill-Partit Laburista milli jkompli l-ħidma tiegħu favur il-pajjiż.

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend