L-iżvilupp ta’ villa fil-Qala mhux se jsir – One News

Notifiki

L-iżvilupp ta’ villa fil-Qala mhux se jsir


L-iżviluppatur Għawdxi Joseph Portelli qal li se jirrinunzja l-permess ta’ żvilupp ta’ villa fl-inħawi tal-Muxi fil-Qala.

Huwa qal li qed jagħmel dan minn jeddu b’effett immedjat.

Fi stqarrija intqal li l-każ tiegħu ngħata attenzjoni mill-midja.

Fuq dan il-każ, meta nhar il-Ħamis ġie approvat il-permess mill-Awtorità għall-Ippjanar, il-Kunsill Lokali Laburista tal-Qala kien saħaq li se jappella mid-deċiżjoni u oppona bil-qawwa dan l-iżvilupp.

Il-Kunsill Lokali b’maġġoranza Laburista kien saħaq li l-post għandu jibqa’ jżomm il-karatteristiċi rurali tiegħu.

Anki l-Awtorità għall-Ambjent u r-Riżorsi kienet qalet li fil-prinċipju dan l-iżvilupp huwa inaċċettabbli.

Iċ-Chairman tal-ERA, il-Professur Victor Axiak ivvota kontra l-iżvilupp propost.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend