AĠĠORNAT: Jibdew iwaħħlu f’xulxin wara li bdew fuq sieq ħażina

Il-Partit Nazzjonalista beda l-kampanja elettorali fuq sieq ħazina.

Fl-aħħar sigħat il-Partit Nazzjonalista ħareġ l-ewwel billboard tiegħu fit-toroq b’rabta mal-kampanja għall-elezzjonijiet tal-Parlament Ewropew u l-Kunsilli Lokali.

Iżda dlonk ġie osservat li dan il-billboard fih żball oħxon tal-Malti. Dan meta l-kelma “togħla” nkitbet b’mod żbaljat (“tgħola”).

It-Times of Malta u s-sit Lovin malta, irrappurtaw dwar dan l-izball oħxon fil-Malti li ħa l-Partit Nazzjonalista.

F’paniku, il-Partit Nazzjonalista ħareġ is-slielem fit-toroq biex jaqla’ dawn il-billboards bl-iżball fuqhom.

Kienu bosta fuq il-midja soċjali li lemħu dan l-iżball u qalu li kien tal-mistħija u imbarazzanti kif ħadd mill-istrateġisti tal-Partit Nazzjonalista ma nnota dan l-iżball fil-messaġġ qabel ħarġu jtellgħu dan il-kartellun fit-toroq.

Sorsi qrib il-Partit Nazzjonalista żvelaw ma’ ONE NEWS li dan l-iżball ħoloq battibekki interni b’nies ewlenin fil-partit spiċċaw iwaħħlu f’xulxin għal dan in-nuqqas.

L-istess sorsi qalu li fil-mira ta’ din il-kritika, hemm il-Kap tal-Midja tal-Partit Nazzjonalista Pierre Portelli, meqjus bħala l-id il-leminija tal-Kap Nazzjonalista Adrian Delia.

L-istess nies qalu lil Delia li dan hu l-prezz li se jħallas wara li ddeċieda li jiddawwar b’nies fi kliemhom “dilettanteski”.

Il-qiegħa kompliet tisħon fi grupp magħluq li l-Partit Nazzjonalista għandu fuq Facebook bil-messaġġi tas-Segretarju Ġenerali tal-Partit Nazzjonalista Clyde Puli, li ġew illikjati lil ONE NEWS u li jikkonfermaw l-kritika li qala’ l-Partit Nazzjonalista wara dan l-izball.

Filmessaġġi llikjati bosta partitarji nazzjonalisti kitbu lil Clyde Puli – sabiex il-Partit Nazzjonalista ikun kostruttiv.

Partitarja nazzjonalista qalet li l-Partit Nazzjonalista se jagħmel l-stess kantalina.

Filwaqt li persuna oħra qalet li l-Partit Nazzjonalista ma tgħallem xejn.

Partitarja oħra qalet li l-Partit Nazzjonalia ħa jibqa jaqa għaċ-ċajt.

Partitarju ieħor kiteb kif iddejjaq bl-stess diska mill-Partit Nazzjonalista. U lil Clyde Puli qallu li n-nies iridu proposti.

Izda lil dan il-partitarju wieġbu Clyde Puli f’messaġġ li wkoll ġie illikjat. Jekk in-nies kienu qegħdin jistennew xi proposti mill-Partit Nazzjonalista, Clyde Puli kiteb kif il-partit nazzjonalista f’din il-kampanja se jkun qiegħed jikkritika.

Clyde Puli iġġustifika l-izball oħxon li ħa l-partit nazzjonalista billi qal li l-Partit Nazzjonalista għandu ħafna diffikultajiet.

Lil Clyde Puli weġbitu l-eks kandidata tal-Partit Nazzjonalista Ingrid Brownrigg, f’messaġġ ieħor illikjat.

Brownrigg, persuna qrib Adrian Delia, ukoll ħarġet tikkritika lill-Partit Nazzjonalista fil-magħmudija tal-kampanja.

“Clyde Puli assolutament ma naqbilx ma din l-istrateġija.” Kitbet Brownrigg, li fissret li jekk il-Partit Nazzjonalista  se jkompli jeqred b’din l-istrateġija mhux se jiġbed nies lejh.

Kompliet – li l-poplu xebgħa jisma n-negattività.

Qalet li Partit Nazzjonalista beda b’kampanja qarrieqa, mhux edukattiva u tad-dwejjaq.

Filwaqt li qalet li qiegħda tħoss in-nuqqas tal-Partit Nazzjonalita ta’ qabel.

Intant, waqt li l-Partit Nazzjonalista kien fuq is-slielem jaqla’ l-ewwel billboards li kien għadu kif ħareġ fit-toroq, lanqas laħqu għaddew sagħtejn li fit-toroq ma tfaċċatx it-tweġiba tal-Partit Laburista.

“Sorry…. sibna żball ieħor.. Flimkien għal kontra pajjiżna”.

Messaġġ ironiku li juri l-imbarazzament tal-Partit Nazzjonalista għall-iżball fl-ewwel billboard tal-kampanja, fejn esponenti ewlenin tal-Partit Nazzjonalista spiċċaw iwaħħlu f’denb xulxin għal dan ix-xogħol fi kliemhom dilettantesk.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend