Sewwieq ta’ mutur isofri ġrieħi gravi – One News

Sewwieq ta’ mutur isofri ġrieħi gravi

Sewwieq ta’ mutur sofra ġrieħi gravi wara li kien involut f’inċident tat-traffiku li seħħ il-Ħamis fi triq Testaferrata, l-Imsida.


L-inċident seħħ għall-ħabta ta’ 11.40pm meta minn investigazzjonijiet tal-pulizija rriżulta li kien hemm impatt bejn vettura tat-tip Chevrolet Kalos, misjuqa minn raġel ta’ 46 sena minn Ta’ Xbiex u mutur misjuq minn raġel Kroat ta’50 sena li joqgħod in-Naxxar.

Fuq il-post issejħet ambulanza li ħadet lis-sewwieq tal-mutur l-isptar Mater Dei għall-kura meħtieġa, fejn iżjed tard ġie ċċertifikat li sofra ġrieħi gravi.

L-investigazzjonijiet tal-pulizija għadhom għaddejjin.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend