Ħarġu mill-isptar qawwijin u sħaħ – One News

Notifiki

Ħarġu mill-isptar qawwijin u sħaħ

It-tnax-il tifel li kienu salvati minn għar mgħarraq fit-Tajlandja tkellmu fil-pubbliku fuq dak li għaddew minnu għall-ewwel darba, fejn iddeskrivew il-mument tal-miraklu meta nstabu mill-bugħaddasa.

It-tfal kienu maqbuda fl-għerien Tham Luang għal iktar minn ġimagħtejn, u ħarġu mill-isptar kmieni l-Erbgħa filgħodu.

It-tnax, li huma membri ta’ team tal-football bl-isem Wild Boars, kienu lebsin il-flokk tat-team waqt il-konferenza tal-aħbarijiet li saret f’Chiang Rai.

Huma ntlaqgħu minn banner bil-kliem Bringing the Wild Boars Home fuq palk li kien iddisinjat biex jixbah grawnd tal-football.

It-tfal qalu li se jitgħalmu minn dak li għaddew minnu. Wieħed minnhom wiegħed li se joqgħod iktar attent u jgħix ħajtu bl-aħjar mod possibbli, filwaqt li tifel ieħor qal li l-esperjenza għallmitu jkun iktar paċenzjuż.

Il-kowċ, li kien salvat flimkien mat-tfal, fakkar il-memorja ta’ Saman Kunan, in-Navy Seal li miet waqt l-operazzjoni.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend