Ċentru ta’ distribuzzjoni ġdid fl-Imrieħel, testijiet fuq l-apparat – One News

Notifiki

Ċentru ta’ distribuzzjoni ġdid fl-Imrieħel, testijiet fuq l-apparat

Ċentru ta’ distribuzzjoni ġdid fl-Imrieħel huwa kważi lest u bħalissa qed ikun installat u provat l-apparat biex iċ-ċentru tal-Enemalta jingħaqad mas-sistema nazzjonali ta’ distribuzzjoni tal-elettriku. Dan huwa l-ħames minn sitt ċentri li qed isiru, jew saru, bħala parti mill-proġett maħsub biex jinforza s-sistema nazzjonali ta’ distribuzzjoni tal-elettriku. Biex issa dawn iċ-ċentri se jkunu telgħu għal 26.

Iċ-ċentri l-ġodda u t-tkabbir ta’ oħrajn qed isiru b’investiment ta’ €80 miljun biex l-Enemalta issaħħaħ u tkabbar partijiet ewlenin tas-sistema tad-distribuzzjoni tal-elettriku nazzjonali waqt li ttejjeb is-servizzi tagħha lill-klijenti.

Il-proġett imniedi fl-2014 huwa maħsub biex isaħħaħ is-sistema nazzjonali li twassal l-elettriku lill-klijenti waqt li żżid il-flessibilità tagħha biex tkun tista’ twieġeb b’aktar ħeffa meta jinqalgħu diffikultajiet li jwasslu għall-qtugħ fil-provvista, bħal ħsarat, aċċidenti jew emerġenzi oħrajn.

Waqt li sitwazzjonijiet ta’ qtugħ fil-provvista qatt ma jistgħu jiġu eliminati, permezz ta’ dan l-investiment l-Enemalta tkun tista’ tnaqqas ir-riskju li dawn iseħħu waqt li meta jinqalgħu, jiqsar it-tul ta’ ħin tagħhom biex jingħata servizz aħjar lill-klijenti.

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Leave a Reply

Your email address will not be published. Required fields are marked *

Send this to a friend