Il-liġi ċara; kelb gwida għandu jitħalla jidħol dejjem – One News

Notifiki

Il-liġi ċara; kelb gwida għandu jitħalla jidħol dejjem

Dalgħodu, one.com.mt irrapporta kif Samuel Farrugia u l-ħabib tiegħu ma tħallewx jidħlu f’numru ta’ restoranti għaliex ma jaċċettawx li fl-istabbilimenti tagħhom jidħlu klieb gwida.

Dwar dan tkellimna mal-Kummissarju għad-Drittijiet ta’ Persuni b’diżabilità, Oliver Scicluna, li kkonferma li dawn ir-restoranti kisru l-liġi ta’ opportunitajiet indaqs. Huwa spjega li din il-liġi tassigura li persuni b’diżabilità li għandhom bżonn is-servizz ta’ kelb gwida biex ikunu indipendenti għandhom dritt bil-liġi li jkunu akkumpanjati mill-kelb gwida tagħhom mhux biss f’postijiet pubbliċi iżda anke fi stabbilimenti.

Scicluna spjega li persuna li hija nieqsa mid-dawl u li għandha bżonn kelb gwida, meta tiġi miċħuda minn dan id-dritt għandha tressaq ilment kemm lill-Kummissjoni għal persuni b’diżabilità kif ukoll għandu jsir ilment lit-taqsima tal-liġi ta’ opportunitajiet indaqs fi ħdan il-Kummissjoni. Ladarba l-ilment isir, il-Kummisjoni tinvestiga l-każ u jsir kuntatt ma’ min ikun qed jikser il-liġi.

Huwa elenka dwar il-fatt, li kelb gwida huwa differenti minn klieb oħra. Dawn il-klieb jingħataw taħriġ estensiv u għalhekk spjega li meta dawn il-klieb se jidħlu f’restorant mhux se jkunu qed idejqu klijenti oħra. Oliver Scicluna appella biex dawn id-drittijiet jiġu mħarsa għaliex ninsabu fl-2017 u għad hemm min mhux qed jimplimenta din il-liġi.

Omm Samuel Farrugia, esprimiet id-diżappunt tagħha għal dan kollu. Hija fakkret li dawn in-nies jużaw kelb bħala gwida biex ikunu jistgħu jagħmlu l-affarijiet ta’ kuljum u jiddependu ħafna fuq is-servizz ta’ dan il-kelb. Hija spjegat li minkejja flimkien mal-ħabib tagħhom, pruvaw jikkonvinċu lill-ħaddiema tar-restorant xorta waħda sabu bieb magħluq.

Hija spjegatilhom li l-kelb kien huwa ta’ neċċessità għal persuni neqsin mid-dawl u li kelb gwida huwa l-vista ta’ dawn il-persuni. L-0mm qalet li persuni nieqsa mid-dawl huma normali ukoll u ddeskrivit li dawn l-affarijiet huma inaċċettabbli.

Ta’ QabelLi Jmiss

4 Comments

  1. Please ghidulna min huma dawn ir-restaurants biex ahna li ghandna id-dawl ma nuzawx is-servizzi taghhom. Nixtieq inkun naf x’kienu jaghmlu jekk ikunu huma li jigi trattati b’dan il-mod? Ahna ic-cittadini ghandna intuhom taghlima lil dawn in-nies irresponsabbli!!!

  2. We are in 2017 and the two top restaurants in the airport vicinity claimed “confusion” among staff over policy regarding admission of dogs”. WHAT KIND OF RESTAURANTS ARE THESE??? A K- 9 dog is a working dog, so wake up please and smarten up!!! The owners should thank their luck that they are not facing a lawsuit for moral damages. I am sorry to say that we are surrounded by amateurs who have no idea of the law.

Leave a Reply

Your email address will not be published. Required fields are marked *

Send this to a friend