Notifiki

Gvern Laburista joffri serħan il-moħħ lill-familjari ta’ persuni b’diżabilità

Gvern Laburista daħħal fis-seħħ bidliet fil-liġi li jippermettu persuni b’diżabilità li l-ġenituri jew il-familjari tagħhom jkunu fetħu fond fiduċjarju (trust fund) għalihom, jiġifieri fond ta’ tfaddil, meta l-persuni li fetħu l-kont imutu; l-persuni b’diżabilità jibqgħu jingħataw il-pensjoni xorta waħda.

Dawn il-bidliet fil-liġi daħlu fis-seħħ is-sena li għaddiet wara li l-Gvern laqa’ l-proposti tal-familjari ta’ persuni b’diżabilità li kienu inkwetati dwar il-ġejjieni tal-qraba li se jħallu warajhom.

B’rabta ma’ dan, it-Tnejn filgħodu ġiet organizzata sezzjoni ta’ informazzjoni biex il-qraba ta’ persuni b’diżabilità jitkellmu dwar l-effett li ħallew fuqhom dawn il-bidliet filwaqt li ngħataw aktar informazzjoni dwar il-bidliet fil-liġi.

Fl-indirizz tagħha, s-Segretarju Parlamentari għal persuni b’diżabilità, Justyne Caruana, qalet li dan il-Gvern qed jagħmel rivoluzzjoni sħiħa biex aktar persuni b’diżabilità jgawdu minn aktar drittijiet.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend