Żviluppi xokkanti f’Aleppo fis-Sirja – One News

Notifiki

Żviluppi xokkanti f’Aleppo fis-Sirja

Kelliem għan-Nazzjonijiet Maqgħuda għadu kemm sostna li forzi leali lejn il-President Sirjan Bashar al-Assad daħlu qalb id-djar f’Aleppo u qatlu kiesaħ u biered mat-tmenin persuna.

Din l-istorja li għadha qed tiżviluppa taf tixhed is-sitwazzjoni traġika li għaddejja bħalissa f’Aleppo, belt li kważi waqgħet kollha f’idejn il-Gvern Sirjan.

Dan wara li r-ribelli li qed jopponu lil al-Assad kienu kostretti li jaħarbu jew iċedu minħabba l-offensiva militari massiċa li twettqet fl-aħħar ġimgħat mill-forzi tal-pajjiż u l-ajruplani tal-gwerra Russi.

Aleppo ilha żmien ikkontrollata mir-ribelli iżda fil-jiem li għaddew il-President Sirjan qal li l-qawwiet tiegħu jinsabu viċin li jiksbu rebħa kruċjali fil-gwerra ċivili li ilha għaddejja għal aktar minn ħames snin.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend