FILMAT: Ara t-tieni prova ta’ Christina Magrin qabel il-Junior Eurovision

Christina Magrin kellha t-tieni prova tagħha b’rabta mal-Junior Eurovision Song Contest li se jsir f’pajjiżna nhar il-Ħadd li ġej.

Fis-sala ewlenija ta’ Dar il-Mediterran, il-kantanta ta’ tlettax-il sena kellha prova tajba u fuq il-palk uriet kunfidenza bla tarf.

Magrin li qed tirrapreżenta lil pajjiżna f’dan il-festival li għal darb’oħra qed jiġi ospitat f’Malta, kienet kostretta li għal xi ħin tkanta playback minħabba li tinsab ftit ma tiflaħx.

Madankollu l-aħħar provi li għamlet użat il-vuċi live u ħalliet impressjoni tajba fuq dawk li kienu qed isegwuha. Il-preżentazzjoni tagħha kienet ikkulurita ferm u mistennija tkun waħidha fuq il-palk wara li fl-ewwel prova tat-Tlieta li għadda kienet akkumpanjata minn żeffiena.

Christina Magrin mistennija jkollha żewġ provi ġenerali oħra qabel mal-Ħadd wara nofsinhar tirrapreżenta lil Malta bil-kanzunetta Parachute.

Ritratt: PBS

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend