Temp sabiħ għal Malta fit-tbassir tal-ħarifa – One News

Notifiki

Temp sabiħ għal Malta fit-tbassir tal-ħarifa

Ħareġ illum it-tbassir tal-Ħarifa tal-Kummissjoni Ewropea, iżda fuq pajjiżna tibqa’ s-sħaba sabiħa ta’ riżultati ekonomiċi pożittivi.

“L-ekonomija Maltija tibqa’ b’saħħitha,” jgħid it-tbassir li jinnota kif wara tkabbir ekonomiku li qabeż is-6% fl-2015, din is-sena Malta se tirreġistra tkabbir li jaqbeż l-4%.

“It-tkabbir mistenni jibqa robust fl-2017 u l-2018,” ikompli jintqal. Filwaqt li tibda’ b’saħħitha d-domanda domestika r-rapport jgħid hekk dwar l-impjiegi: “Ir-rata tal-qgħad mistennija tinżel iktar.”

U dan għax il-ħolqien tal-impjiegi qed ikun sostenibbli. Noti pożittivi dwar id-defiċit fejn dan ir-rapport jikkonferma dak li ntqal fil-baġit, li jfisser li se jintlaħqu l-miri għal din is-sena u dawk għas-snin li ġejjin, bid-defiċit issa jinżel għal 0.7%. Riżultat ta’ dan jinżel ukoll id-dejn.

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Leave a Reply

Your email address will not be published. Required fields are marked *

Send this to a friend