Dak li se jgawdu 56,000 student u 10,000 edukatur – One News

Dak li se jgawdu 56,000 student u 10,000 edukatur

Aktar minn 56,000 student u 10,000 edukatur ser jirritornaw l-iskola fil-jiem li ġejjin hekk kif tibda s-sena skolastika ġdida.

Nhar it-Tnejn, total ta’ 31,873 student se jibdew is-sena skolastika tagħhom fl-iskejjel primarji u sekondarji statali flimkien ma’ 3,713 għalliema u 2,143 LSA. Se jgawdu minn numru ta’ proġetti infrastrutturali kbar fl-iskejjel saru għal din is-sena skolastika. Dawn jinkludu:


– Skola ġdida fis-Swatar, limiti ta’ Ħad-Dingli, b’investiment ta’ € 8,000,000, li se tilqa’ 500 student. Dan il-proġett jinkludi laboratorji tax-xjenza, kmamar tal-ICT, faċilitajiet sportivi multi-purpose u parkeġġ taħt l-art għal 80 vettura.

– Skola ġdida f’Ħal Kirkop b’investiment ieħor ta’ € 8,000,000, li wkoll se tilqa’ għal 500 student. Din l-iskola tinkludi kamra għall-istejjer, b’veduta ta’ siti arkeoloġiċi u żewġ grounds għall-isport fuq barra.

– Skola Primarja rinovata f’Ħaż-Żebbuġ. Din l-iskola, li qabel kienet ta’ livell sekondarju, ingħalqet numru ta’ snin ilu u matul l-aħħar xhur kien kompletament rinovata biex issa ċentru ġdid taċ-child care, li se jiftaħ f’Diċmebru. Il-binja fiha klassijiet ġodda inkluż sistema tad-drenaġġ  B’investiment ta’ miljun ewro, din l-iskola se tilqa’ 500 student.

– Proġett ta’ € 2,140,000 fid-Dun Manwel Attard Young Adult Resource Centre, fil-Wardija. Inbena sular addizzjonali fuq dak eżistenti u blokk sħiħ fejn isir it-tagħlim. Dan il-proġett ifisser li l-iskola issa tista’ tilqa’ id-doppju fl-ammont ta’ studenti. Dan iċ-ċentru huwa immirat lejn żgħażagħ ta’ bejn is-16 u t-22 li għandhom diżabilità intellettwali bħall-awtiżmu. Issa hemm klassijiet ġodda, laboratorji tal-kompjuter, laboratorji għall-home economics, laboratorji tax-xjenza, ċentru tad-disinn u t-teknoloġija hub u kmamar għad-drama u l-kant.

– Proġett ta’ € 1,400,000 fis-Sir M. A. Refalo Sixth Form fir-Rabat, Għawdex. Inbniet blokka ġdida maġenb l-iskola preżenti, li jikkonsisti minn seba’ kmamar fejn isiru lectures, żewġ laboratorji għall-bijoloġija, żewġ laboratorji għall-fiżika, wieħed għall-kimika laboratorju, erba’ labs tal-ICT Labs u sala.

– Skola Primarja kompletament rinovata fix-Xewkija. Ġew tranġati l-klassijiet kollha, flimkien mal-uffiċċji amministrattivi, faċilitajiet sanitarji u s-sala. Inbnew klassijiet ġodda għall-attivitajiet extra-kurrikulari.  Dan b’investiment ta’ €520,000.

Żvilupp importanti ieħor għal din is-sena skolastika hija l-fażi li jmiss tal-One Tablet Per Child. Wara taħriġ estensiv għall-edukaturi, it-tablet se tibda tintuża fil-klassijiet kollha tar-raba’ sena. F’Diċembru it-tablets ikunu disponibbli għall-istudenti.

Matul is-sena skolastika li ġejja, il-pjanijiet għall-implimentazzjoni tal-Learning Outcomes Framework fl-iskejjel kollha ser jiġu ffinalizzati u r-riżorsi se jiġu pprovduti sabiex isir  tagħlim aktar personalizzat għall-istudenti kollha.

Hemm pjanijiet biex ikun introdott programm ta’ kuxjenza dwar lingwa barranija flimkien ma’ programm relatat max-xjenza, għal dawk li jattendu l-Club 3-16.

L-Aġenzija Nazzjonali dwar il-Litteriżmu ser tkompli bil-programmi popolari tagħha Aqra Miegħi. L-Edukazzjoni Vokazzjonali se tibqa’ tingħata priorità.

Il-Ministeru se jniedi servizz ta’ customer care għas-sena skolastika li jmiss. Ġenituri, studenti u l-pubbliku jistgħu jagħmlu kuntatt bl-email ([email protected]) u fuq in-numru tat-telefon 1571, mit-Tnejn sal-Ġimgħa bejn is-6:00 u s-18:00. Hemm ukoll aċċess permezz ta’ Facebook (fb.com/edukazzjoni ) u  jista’ jsir kuntatt bil-WhatsApp (99914356).

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend